ما خطر صوتي فسمعك ؟
ولا ما حنت لي عينك ؟
انت وينك ؟؟
طاحت آمالي بكفي
والحزن أصبح بصفي
والسهر ينقشه حرفي
وذبلت أغصاني بيدينك
انت وينك ؟؟
كل منا في طريق
نصف هم ونصف ضيق
وان نويت أزرع منام
تصبح أنفاسي حريق !
ثم تزفر انت وينك ؟؟
تذكري ولا نسيتي
لما كان الصدر بيتي
وكانت الضحكه سمه
والأغاني مفعمه
وتكتب شفاتي بشفاتك
مابه انسان بصفاتك !!
وانحت ألحين بعظامي
انت وينك ؟؟
بس قولي ليه رحتي ؟
ولا حتى لا تقولي ..!
خلي أنفاسك تمر
اعتقي أنف القمر
قبل لا يفوت العمر
قبل لا أموت بحسافه
وما انطوى عشر المسافه
اللي من بيني وبينك ؟
انت وينك ؟؟
ياسقا الله وقت فات
بعده الفرح بسبات
من بعد ماكان يعطي
كل همه اليوم هات !!
والحياة اللي بدونك
واللي جافتها عيونك
أصلا اتسمى ممات !!
كان ما تناديك وينك؟
انت وينك ؟؟
تدري شيسوي ضنينك ؟
من رحلتي يا ضنينه ؟
يقطف دموعك وحزنك
ثم يهديهم لعينه !
ثم يسولف عن هواه
اللي كان أصلا هواه
اللي فيه الماي ينطق
تلك سري في الحياه
لين صار البحر عينك
والنهر يرثي أكسجينك
وصارت أهداف المياه
بس تروى من يدينك !
لمّا تسمعني أنادي
هي بعد مثلي تنادي
ونصرخ لأقصى مدى
وما يرد الا الصدى
والأكيد ان الندا :
هو يردد آه وينك ؟؟
بس وينك قولي وينك ؟؟
ليست هناك تعليقات:
إرسال تعليق